Meri Aarzoo

Waqt jaane kaise guzara aankhon ke saamne se Jaise woh madham hawa ka jhonka Chupke se aaya aur ruh ko thandak de vida ho gaya Yeah wahi  mod hai  Jispe woh kissi ka intezaar kar rahe the Humne pucha ki waqt hoga tumhare pass Guftagu ka Yeah pucha hi tha aur bus hum tum Baaton main mashgul ho gaye Kuch vakya kaha maine Kuch baat chedi tumne Khade khade jaane kab waqt beeta Tumhe ghar jaana tha Mujhe kuch kaam tha Derr dono ko ho gayi Waqt beetta gaya aur mulaqatien hoti rahin,  Kuch hansi ke pal beete Kuch khatti-meethi takraren hui Aur waqt guzarta raha Ek din mod par tum na dikhe Shayad waqt ka andaza na rhaa aur hum late ho gaye Durr ja rahe the tum  Hum daud ke tumhare kadam se kadam mila phir saath ho liye Bahut dino tak tum uss mod pe na dikhe Hume maloom tha ki hum late hain Phir mulaqatien kuch kam hoti rahi Ek din tumhe jaate hue dekha Aisa laga ki tum bahut durr ja rahe ho Hum to alvi...

At the end of the Paryushan parv, Jains celebrate a day known as Kshamavani. On this day everyone asks for forgiveness from others by using the phrase 'Uttam Kshama' or 'Michami dukhdam' http://en.wikipedia.org/wiki/Kshamavani This poem is written by me and edited by my elder sister ‘Garima Ajmera’ from whom I have learnt to write poems. She thinks that my poems are too complex for her to review and still she has managed to beautify this poem. I dedicate this poem to my family and friends from whom I ask for forgiveness from all my deeds, which have hurt them in any way. Hanste khelte, athkheliyon main Hansi thahakon ke beech Khinchi hogi kabhi taang aapki Dukhaya to hoga kabhi dil aapka Gusse mein daanta hai kai baar Chilaya hoon ek nahi anek baar Apni galtiyon ke liye aapko theraya hai ghadi ghadi jimmedaar Afsoos in baaton ka hamesha kiya maine Par shayad dil mein reh gayi baat aur aaya nahi main kehne Dukh har din ka hai mujhe jab ...

Yaad to hogi tumhe woh pehli mulaqat Yaad hai na, Mej ke uss paar tum aur iss paar hum baithe the Bachon ke shor main hum chuppi sadhe Jaise lehron ke beech akeli kashti Tha to bahut kuch kehne sunne ko Par ulzhan thi ki kahan se shuru karien Kya haal puchien , kya baat karien Kuch issi shor main baat na ho paayi Ab raat bhar baat hoti hai Par mulaqat nahi hoti Bus ab to hum phir se mulaqat ki aas lagaye chand ko takte hain, Din main sote hain aur raat bhar jagte hain Yaad to hogi tumhe woh pehli mulaqat

--> --> Kuch khamosh rehte hain hum Aur kuch khamosh rehte ho tum Kuch kash-m-kash hai humare dil main Aur kuch tumhare dil main Kuch hum hain dare hue Kuch tum sahmi hui Kuch baat hai dono ke mann main Woh baat hai dabi hui Kabhi mauka mile to kuch baat kahien humare dil ki Aur sune kuch tumhare dil ki Aao kabhi milte hain HUM TUM

--> --> Kuch baatien hain adhuri si Jaise woh bachpan ki adhuri kavita Jo kabhi puri nahi hui Yahi sochte the ki shayad Bade hokar poori kar denge Bachpan guzara , jawani beeti Par kabhi woh adhuri kavita puri nahi hui Jaane kya dhundhti rahi adhurepan main Par yehi tasalli hai ki Adhuri hai par sukoon se hai Shayad kuch baatien yun hi reh jaati hai adhuri ankahi …..

  Yeh zindagi ek khel hi to hai Ek shatranj ka khel Hum sab pyade hain Sher dil pyade, badhte jaate hain Manzil ki orr, bisaat ke uss paar Raste main shatir chalien chal ke Bachte bachate, takatwar mohron ko dhool chatate Har mod pe khatra hai dushman ka, Bach gaye to ek kadam aage Haar gaye to jaan se gaye Agar koi khushkismat bisaat ke uss paar Pahunch ke shahanshah ban bhi gaya To palat ke kya dekhta hai Jiss saltanat to jeetne ke liye sab kuch kiya Woh saltanat to hai par Badshahat karne kee liye koi bacha hi nahi Khud hi sultanat, khud hi baadshah Haan yeh zindagi ek khel hi to hai Ek shatranj ka khel

I think all the Amsterdammers would relate to this :) Yeh cake itna kadwa kyun hai Phir bhi bada mast hai Bina khaye raha nahi ja raha Khake sar chakra raha Main baitha hoon aur duniya ghoom rahi Dharti upar aur aasman neeche aa gaya Kadam kuch ladkhada rahe hain Koi pankha chalao yaar Bahar zero degree aur mujhe paseena aa raha hai Dil khol ke baat karne ka mann hai aaj Kuch khatti kuch meethi Kuch bhuli kuch bisri Kuch apni kuch tumhari Aaj na rakho kuch dil main Nikaal do jo hai isme sailaab Main kya bol raha hoon Kuch yaad nahi Zara batana to hum kahan the Yaar tune yeh kya khila diya Dost , yeh space cake khake mazaa aa gaya

Guftagu Chaand ko taanga falak pe, Kholi potli aur bikher diye timtimate sitare, Baadalon ko bheja saraa pe bauchaar karne, Samaa baandha mitti ki sondhi sondhi khushboo se, Aur humne guzaar di ek aur shaam, Guftagu main. Chalo Chalo, ab ghar chalte hain, Bahut kaam pada hai. Chit Chatting Hanged the moon on the horizon, Took out the twinkling stars from bag to spread on the horizon, Sent the clouds to sprinkle the earth, Finally, set the mood with some earthen fragrance, Together we spent another evening chit chatting. Come on; let’s leave now, There is a lot of work to be done.

Humsafar Thak to gaya hai, chilmilati dhup main chalte chalte. Gala Sukh gaya hai aawaz dete dete. Humsafar bahut durr nikal gaya hai. Ab na woh mud ke dekhega na laut ke aayega. Raahi sambhal ja, tera humsafar koi aur hoga. Companion Tired of walking in this scorching heat, Shouting with a thirsty throat, My companion is already far away, With no signs of turning back , Don't be disheartened, your companion would be someone else.

Yeh duuri , majboori jaise shabd, Sab bus tasalli dene ke liye hain dil ko. Kabhi iss chalawe ko bhul ke zindagi jio, Zinda hona mehsoos karo. Sab chod kar taqdeer pe, Usko majboori ka naam dete ho. Khud kuch karte nahi, Taqdeer ko badnaam karte ho. Mana hogi koi majboori tumhari, Jo sapno ko haqeeqat na hone de, Par ek majboori ke kaaran, Sapno ko kyun khone do. Tasalli dene se dil ko chain nahi aata, Woh adhura sapna pal pal bechain karta hai. Kya milega tumhe dafna ke adhure khwab, Na dil ka chain na raat ki neend. Himmat haar ke kabhi khushi nahi milti, Kuch aisa karo jisse dil jhume. Zindagi nahi chalti tasalli jaise shabdon se, Chalti hai to bus kuch kar guzarne ke jazbe se.

Jab kabhi dhup nikalti hai un baadalon ke beech, Main apne joote pahen daudne nikal padta hoon. Ghar ke paas ek nahar hai, ek pagdandi aur ek pavan chakki, Main us nahar ke kinare daudne lagta hoon. Kaano mein Ipod ka sangeet hota hai, Par kai baar mujhe gaane ke bol sunai nahi dete, Dhyaan to panchiyon ki chachahat pe hota hai. Mujhe kuch aur log bhi daudte hue milte hain, Ek pal unhe dekh muskura, Phir daudne lagta hoon. Suraj ki kirne nahar ke paani ko jag maga deti hain, Jaise jhilmil sitare din main nikal aaye hon, Daudte daudte kabhi theher, puliya pe khada main, Un sitaroon ko nihar leta hoon, Hawa ke jhonke phoolon ki bheeni bheeni khusboo failate hain, Aur paed jhoom jhoom mera honsla badate hain Main madmast ho phir daudne lagta hoon. Ghane paedon , paani ke beech, Uss pagdandi pe daud kar bahut sukun milta hai, Dil karta hai bus daudta rahoon. Par thoda thak kar ghar ki orr nikal jata hoon, Pasine mein lathpath ghar ki ...

  Sometimes it feels like someone should listen to the voices within my heart , find the meaning in my silence and listen to it where the words fail to express the feelings. Khamoshi Kuch alfaz atke hain halaq main, Sabko sunai nahi dete, Dhyan laga meri khamoshi ko sun, Shayad tujhe woh nazm sunai de jaaye. Silence Few words are stuck in my throat, No one is able to hear them, Listen carefully to my silence, May be you are able to hear that silent poem.

Second one of the short poem series.  This short poem is about a lonely place which craves for someone to bring it to life. Veerana Mein ghar ke darwaze khidki khol ke rakhta hoon. Kya pata koi hawa ka jhonka kab aa jaaye. Kabhi koi chahchata, guzarte hue ruk jaaye To iss veerane main bhi chahal pahal ho jaaye. Deserted place I leave all the doors and windows of my house wide open, Don't know when a warm breeze finds its way in. Hope sometime a chirping passerby stops for a while To liven up this deserted , lonely place. Composed by: Priyank

This poem is part of a series of short poems I wrote. I am also working towards translating them in English. The picture is one of my very good friends Aastha Gupta, clicked by her husband Siddharth Vishwanath. Ashq Hai koi dil ki tahon main , Jiski chikh sunai nahi deti, Woh ankhon se ashq ban chalak padta hai. Aakhir kab tak jeeta sunsan seene main. Tear There is someone deep within the cockles of the heart, Whose shrieks go unnoticed, Occasionally, it falls off as a tear from the eyes, After all, how long can one stay in a desolate chest.

Khudgarz 1 hai woh, Ek baar woh tumse lag jaaye, To dene wale ki lamha lamha yaad dilata hai. Ziddi hai woh, Tum bhulna chaho usko, To woh naaraj ho jaata hai. Aur chilla-chilla ke apne hone ka ehsaas dilata hai, Phir bhi agar uspe dhyaan na do to, Naasoor ban tumse chipak jaata hai. Akela hai woh, Usse to bus do pal ka saath chahiye, Ek pyaar bhara subuk 2 lams 3 mil jaaye to, To woh chala jaata hai, Kissi aur humsafar ki justaju 4 main. Ajeeb hai woh, Kissi ko pyaar do, to woh tumse lipat jaata hai, Aur yeh hai ki pyaar pate hi chod jaata hai. Jazbaati 5 hai woh, Shayad yehi kehna chahta hai ki, Jisne isse diya hai, usko phir lauta dene se, Khudka dard kam na hoga. Jaate-jaate bhi yeh tumhare paas, Ek nishani chod jaata hai, Ki tum use kabhi bhula na pao Kuch baat hai isme, Dilchasp 6 hai yeh Zakhm!! 1 khudgarz – matlabi (selfish) 2 subuk – komal (soft) 3 lams – sparsh (touch) 4 justaju – talas...

Misra 1 -misra jod kar ek nazm 2 banti hai, Nazm ki apni hasti hoti hai, Woh kuch betukke alfazon 3 ki jugalbandi nahi, Woh ehsaason ki zindagi hoti hai. Woh ehasaas jo jeete bhi us nazm main hain Aur mar bhi jaate hain, Gumnaam, akele, tanha, duniya se bekhabar. Phir koi bhula bisra, Uss nazm ko apne haath mein leker, Uske alfazon ko sehlata hai, Uske  chuppe maayanon 4 ko mehsoos karta hai. Nazm ke misron ko dohrata hai, gungunata hai. Apni ahmiyat ko uss shakhs par chod, Nazm phir se zinda ho jaati hai Un ehsaason ko jee leti hai Hans leti hai , ro leti hai. Nazm ki apni hasti hoti hai, Woh ehsaason ki zindagi hoti hai. 1 misra – do panktiyaan (couplet) 2 nazm – kavita (poem) 3 alfazon – shabd (words) 4 mayanon – bhaav/arth (sense)

Ek raahi apni manzil ki talash main, Marusthala main bhatak raha tha, Badi mashaqat karta apni manzil paane ki, Par manzilein thi, jaise marusthala main mrig-trishna. Har peer-paigambar, saadhu-santh, Masjid- mandir ke saamne apna maatha tek aaya woh, Par jisse dil chahta tha woh mil nahi paaya. Ab to bus yeh aas laga baitha hai woh ki, Iss marusthala main kahin usse koi thikana mile, Jahan woh sukoon se kuch pal guzar sake, Koi musafir jisse woh apna humsafar bana sake. Musafir bahut aaye aur chale gaye, Humsafar banne se pehle hi unki rahein badal gayi. Toofan bhi aaye to uss mod pe, Jahan thehar woh apna aashiyana banane wala tha. Uske chotte se shamiyane ko ek jhonka uda le gaya, Chod gaya marubhumi main usse tanha, akela. Ab to usse yeh bhi pata nahi ki jaana kidhar hai, Hai koi dagar ya bhatakna idhar hai, Charon taraf hai ret hi ret. Umeed hai ki marusthala ke uss paar, Koi hoga intezaar main uske, Raahi to bus chalta jaa raha hai...