Mausam

 Mausam, yeh mausam bhi kya kya rang lata hai, iske madmast nashe main har koi jhoom jata hai. Aisa hi mausam hai baarish ka, pani ki bundoon main aadmi kho sa jaata hai, yeh baarish ka mausam madhosh kar jaat hai. Aise hi mausam main jab dil tanha hota hai, to bus us mehboob ke karib jaane ko dil chahta hai!

Is suhane mausam main , dil ke taar chid gaye hain,
Baarish ki bundentan par kya giri,
Yeh teri yaad dila rahe hain!
Sochta hoon,
Ki kaash tere karib hota,
Teri bheegi zulfoon se gire moti sambhal raha hota,
Aur unme gum ho jaata,
Teri khunki hui palkoon main doob jaata,
Pyaar ke samandar main gote lagata.
Teri simti hui bahoon ke beech hota,
Meri har dhadkan, jo tera naam le rahi hai,
Tujhe woh suna pata.
Tere hoothon ko daba kar yeh sharmana,
Sua jaam ka nasha de jaata hai,
Tere nashe main dooba hokar,
Yeh dil kahan sambhalna chahta hai.
Kaash!! mein tere karib hota,
To tujhe yeh bata paata,
Main kiss kadar tujhse mohabbat karata hoon,
Tu paas nahi to kya,
Har boond main tujhe mehsoos karat hoon!!
Teri yaad main aahen bharta hoon!!